KUMPULAN UMPASA BATAK

FILE <download>

Dijolo raja sieahan, dipudi raja sipaimaon
(Hormatan do natua-tua dohot angka raja).

Sada silompa gadong dua silompa ubi,
Sada pe namanghatahon Sudema dapotan Uli.

Pitu batu martindi sada do sitaon nadokdok
(Unang maharaphu tu dongan).

Jujur do mula ni bada, bolus do mula ni dame
(Unang sai jujur-jujuri salani dongan, alai bolushon ma).

Siboru buas siboru Bakkara, molo dung puas sae soada mara
(Dame ma).

Sungkunon poda natua-tua, sungkunon gogo naumposo
(Bertanggung-jawab).

 

(keyword: hsirait/081356633766)

 

UMPASA NI NAPOSO BULUNG. (Buat orang-orang muda)

Jolo tiniktik sanggar laho bahenon huru-huruan,
Jolo sinukkun marga asa binoto partuturan.

Tudia ma luluon da goreng-goreng bahen soban,
Tudia ma luluon da boru Tobing bahen dongan.

Tudia ma luluon da dakka-dakka bahen soban,
Tudia ma luluon da boru Sinaga bahen dongan.

Manuk ni pealangge hotek-hotek laho marpira
Sirang na mar ale-ale, lobianan matean ina.

Silaklak ni dandorung tu dakka ni sila-sila,
Ndang iba jumonok-jonok tu naso oroan niba.

Metmet dope sikkoru da nungga dihandang-handangi,
Metmet dope si boru da nungga ditandang-tandangi.

Torop do bittang di langit, si gara ni api sada do
Torop do si boru nauli, tinodo ni rohakku holoan ho do

Rabba na poso, ndang piga tubuan lata
Hami na poso, ndang piga na umboto hata

 

(keyword: hsirait/081356633766)

 

UMPASA MANJALO TINTIN MARANGKUP.(Untuk pasangan saat tukar cincin)

Bulung namartampuk, bulung ni simarlasuna,
Nunga hujalo hami tintin marangkup,
Dohonon ma hata pasu-pasuna.

Hot pe jabu i, tong doi margulang-gulang
Sian dia pe mangalap boru bere i, tong doi boru ni Tulang.

Sai tong doi lubang nangpe dihukkupi rere,
Sai tong doi boru ni Tulang, manang boru ni ise pei dialap bere.

Amak do rere, dakka do dupang,
Anak do bere, Amang do Tulang.

Asing do huta Hullang, asing muse do huta Gunung Tua,
Asing do molo tulang, asing muse do molo gabe dung simatua.

 

(keyword: hsirait/081356633766)

 

UMPASA TU NA BARU MARBAGAS. (Untuk pasangan yang baru menikah)

Dakka ni arirang, peak di tonga onan,
Badan muna naso jadi sirang, tondi mu marsigomgoman.

Giring-giring ma tu gosta-gosta, tu boras ni sikkoru,
Sai tibu ma hamu mangiring-iring, huhut mangompa-ompa anak dohot boru.

Rimbur ni Pakkat tu rimbur ni Hotang,
Sai tudia pe hamu mangalakka, sai tusima hamu dapot pansamotan.

Dekke ni sale-sale, dengke ni Simamora,
Tamba ni nagabe, sai tibu ma hamu mamora.

Sahat-sahat ni solu, sahat ma tu labuan,
Sahat ma hamu leleng mangolu, jala sai di dongani Tuhan.

Sahat solu, sahat di parbinsar ni ari,
Leleng ma hamu mangolu jala di iring-iring Tuhan ganup ari.

Mangula ma pangula, dipasae duhut-duhut
Molo burju marhula-hula, dipadao mara marsundut-sundut.

Ruma ijuk tu ruma gorga,
Sai tubu ma anakmuna na bisuk dohot borumuna na lambok marroha.

Anian ma pagabe tumundalhon sitodoan,
Arimu ma gabe molo marsipaolo-oloan.

Gadu-gadu ni Silindung, tu gadu-gadu ni Sipoholon,
Sai tubu ma anakmuna 17 dohot borumuna 16.

Andor hadukka ma patogu-togu lombu,
Sai sarimatua ma hamu sahat tu na patogu-togu pahoppu.

(keyword: hsirait/081356633766)

 

UMPASA MANGAMPU
Bulung ni Taen tu bulung ni Tulan
Ba molo tarbahen, sai topot hamu hami sahali sabulan,
Molo so boi bulung ni tulan, pinomat bulung ni salaon,
Ba molo so boi sahali sabulan, pinomat sahali sataon.

Ni durung si Tuma laos dapot Pora-pora.
Molo mamasu-masu hula-hula mangido sian Tuhan,
Napogos hian iba, boi do gabe mamora.

Songgop si Ruba-ruba tu dakka ni Hapadan,
Angka pasu-pasu na ni lehon muna,
Sai dijangkon tondi ma dohot badan.

Mardakka Jabi-jabi, marbulung ia si Tulan
Angka pasu-pasu na pinasahat muna,
Sai sude mai dipasaut Tuhan.

Naung sampulu sada, jumadi sampulu tolu,
Angka pasu-pasu pinasahat muna,
Sai anggiatma padenggan ngolu-ngolu.

Naung sapulu pitu, jumadi sapulu ualu,
Angka pasu-pasu pinasat muna hula-hula nami,
Diampu hami ma di tonga jabu.

Turtu ninna anduhur, tio ninna lote,
Angka pasu-pasu pinasahat muna,
Sai unang ma muba, unang mose.

Habang pidong sibigo, paihut-ihut bulan,
Saluhut angka na tapangido, sai tibu ma dipasaut Tuhan.

Obuk do jambulan, nidandan ni boru Samara
Pasu-pasu na mardongan tangiang sian hula-hula,
Mambahen marsundut-sundut soada mara.

Tinapu bulung nisabi, baen lompan ni pangula
Sahat ma pasu-pasu na nilehon muna i tu hami,
Sai horas ma nang hamu hula-hula.

Suman tu aek natio do hamu, riong-riong di pinggan pasu,
Hula-hula nabasa do hamu, na girgir mamasu-masu.

(keyword: hsirait/081356633766)

 

AKKA UMPASA NA ASING
Martahuak ma manuk di bungkulan ni ruma,
Horas ma hula-hulana,songoni nang akka boruna.

Simbora ma pulguk, pulguk di lage-lage,
Sai mora ma hita luhut, huhut horas jala gabe.

Hariara madungdung, pilo-pilo na maragar,
Sai tading ma na lungun, ro ma na jagar.

Sinuan bulu sibahen na las,
Tabahen uhum mambahen na horas.

Eme ni Simbolon parasaran ni si borok,
Sai horas-horas ma hita on laos Debata ma na marorot.

Sititik ma sigompa, golang-golang pangarahutna,
Tung so sadia pe naeng tarpatupa, sai anggiat ma godang pinasuna.

Pinasa ni Siantar godang rambu-rambuna,
Tung otik pe hatakki, sai godang ma pinasuna.

Tuat si puti, nakkok sideak,
Ia i na ummuli, ima ta pareak.

Aek godang tu aek laut,
Dos ni roha sibaen na saut.

Napuran tano-tano rangging marsiranggongan,
Badan ta i padao-dao, tondita i marsigomgoman.

Marmutik tabu-tabu mandompakhon mataniari,
Sai hot ma di hamu akka pasu-pasu, laho marhajophon akka na sinari.

Bona ni pinasa, hasakkotan ni jomuran,
Tung aha pe dijama hamu, sai tong ma dalan ni pasu-pasu.

Mandurung di aek Sihoru-horu, manjala di aek Sigura-gura,
Udur ma hamu jala leleng mangolu, hipas matua sonang sora mahua.

Dolok ni Simalungun, tu dolok ni Simamora
Salpu ma sian hamu na lungun, sai hatop ma ro si las ni roha.

(keyword: hsirait/081356633766)

 

 

Umpasa ni Halak Batak

Manat unang tartuktuk, dadap unang tarrobung

Artinya: Sebelum melakukan sesuatu lebih baik di teliti dulu situasi apa yang mau dilakukan

Jolo nidodo asa hinonong
Artinya: Sebelum melakukan sesuatu lebih baik di teliti dulu situasi apa yang mau dilakukan

Jolo tinaha garung niba, niantan sulangat niba
Artinya: Sebelum melakukan sesuatu lebih baik kalau kita menyadari kemampuan diri sendiri.

Aek godang tu aek laut, dos ni roha sibahen na saut
Artinya: Musyawarah untuk mufakat

Balintang ma pagabe tumandangkon sitandoan
Arinta ma gabe molo marsipaoloan
Artinya: Kita akan mendapatkan keberhasilan jika seia sekata

Amporik marlipik, onggang marhabang,
Gabe parboli na otik laos gabe do parboli na godang
Artinya:

Namandanggurhon tu dolok do molo basa namarhula-hula
Artinya:

Janji urat ni eme tu laklak ni simarlasuna, Adat na denggan na so ra sega, uhum na uli na so ra muba i, asa manumpak ma Tuhanta i sinur ma pinahan gabe na niula jala horas jolma.

Martumbur ma baringin, mardangka ma hariara, matorop ma hamu maribur, matangkang ma juara.

Sai marrongkap mai songon bagot, marsibar songon ambalang, jala sai masigomgoman ma tondi ni nasida tu na tama.

Dangka ni hariara ma pinangait-ngaithon, tubuma dihamu anak dohot boru, sai unang ma panahit-nahithon.

Balintang ma pagabe tumandakhon sitadoan, saut do hamu gabe asal ma tontong masipaolo-oloan.

Dangir-dangir ni batu ma hamu, pandakdahan ni simbora, Gabe do hamu jala sarimatua asal ma sai marsada ni roha.

Ai na tinapu salaon, salaon situa-tua, Denggan ma hamu masianju-anjuan asa saut gabe jala sarimatua.

Sai situbu laklak ma hamu situbu singkoru di dolok ni purbatua, sai tubuan anak ma hamu tubuan boru, donganmuna sarimatua.

Hariara na bolon bahen parlape-lapean, Sai tubu ma di hamu anak dohot boru na bolas pangunsandean.

Bagot na mandung-dung tu pilo-pilo marajar, Tading ma antong na lungun, sai roma na jagar.

Sahat-sahat ni soluma sahat tu bontean, Sahat ma hamu tu parhorasan, sahat tu panggaben.

Tuat ma na dolok martungkot sialagundi, adat ni ompunta sijolo-jolo tubu siihuttonon ni na di pidi.

Sinuan bulu sibahen nalas, Sinuan uhum sibaen na horas.

Muba dolok muba duhutna, muba luat sai adong do muba adatna.

Eme na masak di gagat ursa , ia i namasa ima di ula.

Aek godang aek laut, dos niroha sibahen nasaut

Sori manungkun sori mandapot, sai matua marpanungkun tu na nidapot.

Tangan do botohon, ujungna jari-jari, Bangko nihata si dohonon, asal ma jumolo marsatabi.

Ramba na poso na so tubuan lata, halak na poso na so umboto hata.

Tampuk ni sibaganding di dolok ni pangiringan, horas ma hamu na marhaha maranggi, sai masipairing-iringan.

Bola-bola ni tangan, sitongka i bolahononhon, bola-bola ni halak, sitongka i tangihononhon.

Tinallik randorung bontar gotana, Dos do anak dohot boru nang pe pulik margana, ai dompak marmeme anak, dompak do tong marmeme boru, andung ni anak sabulan di dalan, andung ni boru sataon.

Habang leang-leang songgop tu parapian, Bolak ni rosu angka na marpariban, sai masitopot-topotan songon pidong leang-leang.

Na niida ni mata paula so niida, na binege ni pinggol paula so ni bege.

(keyword: hsirait/081356633766)

 

Umpasa Batak di na laho marsirang

Lagu mp3 batak marsirang adong, umpasa halak batak di na laho marsirang tong do adong, songonon ma akka umpasa batak na lao marsirang :

Pidong sitapitapi, habang diatas hauma
Horas ma hamu na hupaborhat hami
Horas hami na tininggalhonmuna

Dolok ni Panampahan, tondongkon ni Tarabunga
Sai horas ma hamu dipardalanan songoni dung sahat tu inganan muna

Tombak ni Sipinggan di dolok ni Sitapongan
Di dia pe hita tinggal, sai tong ma hita masihaholongan

Eme sitambatua parlinggoman ni siborok
Amanta Debata do silehon tua, sai luhutna ma hita diparorot

Mangerbang bungabunga, ditiur ni mata ni ari
Selamat jalan ma dihamuna, selamat tinggal ma di hami

(keyword: hsirait/081356633766)

 

Umpasa Batak Mangadopi natua tua

Umpasa Batak sidohonon molo dohot iba mangadopi natua tua na manjalo sipanganon sian angka anakkonna

Andor halumpang ma togutogu ni lombu dohot togutogu ni horbo laho tu Lapogambiri
Sai saur ma hamu leleng mangolu paihutihut pahompu sahat tu na marnono dohot marnini

Tinpu bulung ni sabi nibutbut pinaspashon
I dope na tarpatupa hami ba i ma jolo tahalashon

 

(keyword: hsirait/081356633766)

 

 

Hata sian undangan tu natuatua i:
Polta bulan i Ama ni Manggule: Ro nuaeng angka pomparanmu mamboan sipanganon ba dohot hami mauliate

Tubu ma singkoru di dolok ni Simamora
Sai torop ma anak dohot boru na basa jala sisubut roha

Tubu dingindingin jonok tu simartolu
Horas ma tondi madingin pir tondi matogu
Sai ro ma nipi na uli sai leleng hamu mangolu
Haliangan ni nono dohot nini raphon anak dohot boru

 

(keyword: hsirait/081356633766)

 

Hata ni undangan tu ianakkon na mamboan sipanganon :
Binolus Purbatua laho tu Parsingkaman
Naburju marnatuatua ingkon sai dapotan pandaraman
Laho pe ibana mangula sai na dao ma parmaraan
Sai dapotsa na niluluan sai jumpang na jinalahan

 

(keyword: hsirait/081356633766)

 

Taringot di sipanganon na binoanmuna tu natuatua i :
Disi do gandina, disi do nang gandona
Disi do daina disi do nang tabona
Sirsir ansimna jala hona dohot asomna

Asa dohonon nami ma :
Bagot na marhalto ma di ladang ni Panggabean
Horas ma hami na manganhon, lam martamba sinadongan di hamu na mangalean

Ia siula tano do hamu ba on ma dohononnami :
Binanga ni Sihombing binongkak ni Purbatua
Tu sanggar ma amporik tu lombang ma satua
Sai sinur ma pinahan gabe na niula

Molo partigatiga do hamu ba on ma dohonon namu :
Tinampul bulung bira bahen saong laho tu ladang
Sai mangomo ma hamu sian tigatiga ba sai maruntung ma sian dagang

Molo tung sipata rugi hamu ba sai dapot nian nidok ni umpasa :
Soban rantingranting soban ni Sijamapolang
Ba molo rugi hamu sian antinganting, ba sai mangomo ma sian golang

Molo pegawai do hamu ba on ma dohonon nami :
Tinapu bulung salaon dongan ni bulung si tulan
Ba sai naek pangkat ma hamu ganup taon, sai tamba gaji tiap bulan

Molo adong di hamu na so hot ripe dope on ma dohonon nami:
Parik ni Lubutua hatubuan ni bulu duri
Na burju marnatuatua sai ingkon dapotan rongkap na uli

Baangkup ni i :
Molo adong disi hulingkuling sai adong ma disi holiholi
Molo adong disi na so muli sai adong do rongkap ni i naso mangoli

Sahatsahat ni solu ma sahat di rondang ni bulan
Sai leleng ma hamu mangolu jala sai dipasupasu Tuhan

(keyword: hsirait/081356633766)

 

Umpasa Batak Tingki Mangapuli

Jotjot do tadok : Tua na so taraithon, Soro ni ari na so tarhaishon

Alai dumenggan do dohonon umpasa on :
Ramba ni Sipoholon marduhutduhut sitata
Las ni roha dohot sitaonon sude do i sian Amanta Debata
Asa :
Hau ni Gunungtua, dangkana madaguldagul
Tibu ma dilehon Tuhanta dihamu tua, jala tibu hamu diapulapul

Poltak bulan tula, binsar ia mata ni ari
Tibu ma ro tu hamu soritua, singkat ni sori ni ari

Angkup ni i :
Hotang binebebebe, hotang pinilospulos
Unang iba mandele, ai godang do tudostudos

Tamba muse :
Hotang benebebebe, hotang ni Siringkiron
Unang iba mandele, ai godang dope sihirimon

On pe :
Dolok ni Simalungun ma tu dolok ni simamora
Sai salpu ma angka na lungun, hatop ma ro silas ni roha

(keyword: hsirait/081356633766)

 

Umpasa Ni Halak Batak

Pir ma tondi madingin
Horas tondi matogu
Mamora hamu madingin
Leleng ma hamu mangolu

Tampulan sibaganding
Diatas na pangiringan
Tugabenama hamu saluhutna
Tondi muna sai masipairing-iringan

Sinuan hariara bahen partungkoan di tonga ni huta
Sinur ma napinahan tugabena naniula
Nadihuta unang marmara
Horas-horas ma hamu Sasude tumpakon ni Tuhanta Namartua

Tangki ma jala walang
Galinggang jala garege
Tubu ma anak partahi jala ulu balang
Dohot boru maduma jala pareme

Tubu ma sanggar di holbung-holbung
Tubu arung di honuk-honuk
Tubu ma dihamu anak namalo marpollung
Dohot boru namalo marsonduk

Tubuan lak-lak tubuan singkorung
Di dolok ni purbatua
Tubuan anak tubuan boru
Dongan muna saur matua

Andor ris ma andor ras
Didolok ni lobutua
Torkis-torkis ma horas-horas
Jala dapotan tua

Pinantingkon hujur
Tu julu ni topian
Horas ma hamu saluhut
Jala dapotan pancarian

Bagol namadungdung
Tupilo-pilo namarajar
Dao ma nalungun
Sai ro ma na jagar tu joloan on

Bagol bogil
Bagol so habal-balan
Salpu ma nahansit
Sai ro ma najagar tujoloan on

Balintang ma pagabe
Tumundalhon sitadoan
Ari mu ma gabe
Asal ma hamu masipaolo-oloan

Diruma Pohki
Bahul-bahul pansalongan
Pir ma tondi
Jala luma panamotan

Dangka ni sitorop
Pinanghait-haithon
Tubu ma anak dohot boru
Sitongka panahit-nahiton
he..he..he…he…

Bintang ma narumiris
Ombun nasumorop
Anak pe riris
Boru pe torop

Eme si tamba tua ma parlinggoman ni si borok
Amanta Debata do Si lehon tua
saluhut na ma hitaon diparorot.

Ima tutu

(keyword: hsirait/081356633766)

Catatan :

Jika ada yang salahd alam penulisan mohon dimaafkan.

About these ads
Published in: on Agustus 5, 2011 at 8:03 am  Comments (74)  

The URI to TrackBack this entry is: http://siraith.wordpress.com/2011/08/05/kumpulan-umpasa-batak/trackback/

Umpan RSS untuk komentar-komentar pada pos ini.

74 KomentarTinggalkan komentar

  1. Mantap bah … sai anggiat ma nian lam godang halak hita na olo marloja-loja manurathon huhut manambai akka nadenggan songonon asa anggiat unang mago sude akka adat-adat ni Bataki,
    Mauliate godang

  2. Denggan ma sude akka umpasa dohot umpama i bolo tongtong dilehon akka generasi muda i rohana marsiajar.

  3. molo boi nian ditambai hata laho mangido gondang…, mauliate.

    • Ai boi do gondang pangidoan di adopsi sian akka upasa in lae..

    • LOJA AU ANNON

  4. denggan lae umpasana, molo boi umpasa dikelompokkan untuk acara tertentu biar generasi berikut tahu umapasa mana yang akan diucapkan pada acara yg akan diikuti, thank u

  5. Horas…horas..horas
    baen damang ma gondang simanuk-manuk,,,
    hahahah

    • imma tutu..

  6. Mantabz

    • mauliate lae…

  7. mantap hian ma bahh,, akka umpasa i,,,,

    • Terimakasih juga Lae…
      Mudah2 menjadi bahasa batak yang kuat dalam paradaton…
      Saguppang ma tabo2 lao baenon panukkunan
      sai Duppang ma hamu na manjalo jala horas hita sude na marsisukkunan…
      Salam.. 081356633766/hsirait.. god bless u/

  8. Blog nya keren ….!!!

    Trims buat yg bikin blog ini …. aku Boru Batak marga Limbong, sbenarnya yang suruh ngunjungin blog ini kebetulan Bapak. Tapi sekalian nambah Sastra Batak. :) Salut.

    • Terimakasih juga Ito…
      Mudah2 menjado bahasa batak kuat dalam paradaton…
      Saguppang ma tabo2 lao baenon panukkunan
      sai Duppang ma hamu na manjalo jala horas hita sude na masisukkunan…
      Salam.. 081356633766/hsirait.. god bless u/

  9. mauliate ma di hamu na olo manuratkon bahasa batak i…
    anngiat ma i lean tuhan hu hita sude akka namader..

    mauliate ma di hamu….

    • Mauliate ma tutu Lae, God Bles u/.

  10. tank you uda………….
    terus berkarya, gbu

  11. Mantap jala tung tabo jaha on.
    Mauliate tu Amang Sirait napatupahon umpasa on, na gabe boi parsiajaro bahen mangihut hon adat.

    • Sama-sama ma Lae..

    • Terimakasih juga Lae…
      Mudah2 menjado bahasa batak kuat dalam paradaton…
      Saguppang ma tabo2 lao baenon panukkunan
      sai Duppang ma hamu na manjalo jala horas hita sude na marsisukkunan…
      Salam.. 081356633766/hsirait.. god bless u/

  12. MauLiaTe Tu akka Dongan Salihut Na …

  13. mauliate godang di hamu ala olo melestarikan budaya batak sukses terus

    • Ima tutu, Mauliate godang di hamu sudah, kita berbuat..

  14. snagt membantu sekali buat kalangan muda yg sudah tidak tau kredibiltasi suku batak,, terimakasah buat pak rait,, horas,,, horas,,, horas,,,,

    • Mengenai kredibilitas, mungkin sudah banyak memang contohnya seperti tidak menghargai pendapat yang lebih tua. Hal ini sudah semua mengetahuinya…..

  15. mantap ba bapatua

    pas do nian i
    ase unang lupa hami songon anak muda on
    tu adat batak iii!!

  16. mauliate ma ate sai adong dope hape namangingot bona pasogit tano batak

  17. mantap tulang, tambaima

  18. boi ma muse ra di tabbai,, umpasa maminta goddang… ai porlu,, alana dison attar tradisi do acara goddang naposo, hampir sude marga do dison mambahen,,, mauliate,

  19. Mauiate di Amangboru, molo tu na malua, naung manghatidangkon hata haporseaon, nunggnga gabe sada tradisi di bahen tu acara paradaton, songon dia ma hata umpasa tu sisonongon,. Maukiate.

  20. Terima Kasih bt Pak Rait, sdh memberkn umpasa2 Batak, semoga ini menjadi harta yg sll tersimpan baik bt kt org Batak. dan umpasa in hrs sll dilestarikan krn bagian dr Adat suku Batak.Horas..Horas…Horas…

  21. Horas ma dihita Bangso Batak.

  22. boras na pir di loppa di bagas hudon,,
    huta balige jonokkon huta batu jagar,,
    horas ma di tulang na manuratton.
    mauliate ma dokkonon nami parsiajar,,

    terus lah berkarya tulang,
    salam kenal
    TERIMAKASIH

  23. Mauliate ma di hamu amang, tung mansai denggan ma on gabe parsiajaran di hami na diparserakan on….Horas

  24. Molo boi nian hupangido hami, baen amang jolo pangantusion taringot tu ulos, goar, ragam dohot hasahatanna.

    Mauliate

  25. Salah satu putra Batak yang sangat menghargai dan mencintai asal usulnya.
    Mauliate lae umpasanya, terus berkarya Tuhan memberkati.

  26. horas tulanng,,, adong do nuaeng umpasa di hami aka anak boru on,, muliate parjolo ma tulang.

    • Adong, baen hamu ma e-mail muna..

  27. Mauliate di haradeon mu namamposhting UMPASA on lae, Sai di tambai TUHAN ma bisuk di hamu.
    Ijin co-pas lae
    Mauliate

  28. sangat manbantu. do tu naposo nanhurang mngantusi uda,

  29. Tamba las ni roha namangolu on molo ingot do pe hita pauliulihon paradatonta halak batak. Marguru ma hita to bangso naasing, songon korea , cina , japang…astuan ni operana pe tong marbungaran di portibion…dada holan hatana, paheanna pe solot marrumanghon adat nasida…..

  30. Tamba las ni roha namangolu on molo ingot do pe hita pauliulihon paradatonta halak batak. Marguru ma hita to bangso naasing, songon korea , cina , japang…astuan ni operana pe tong marbungaran di portibion…dada holan hatana, paheanna pe solot marrumanghon adat nasida….., laos on ma dohononku songon hata ni situatua:
    “Boras ni lumbannatas binuat bahen panganan,
    Horas ma damang matoras , manguhal umpasa paradatan”

  31. mantapppp……

  32. Mauliate ma tulang nungnga mangalean umpasa na denggan on..

  33. mauliate godang ma tuhamu namambaen umpasa on tarlobi tuhami pangaratto on.horas,jaya trus bangso batak.

    • Pitu lobbu jonggi marbulangbulang hotang
      raja pinarajaraja Tappubolon pandapotan

  34. Amang panggoal pargocci, paindahan nasuksuk, parlompan natabo, jongjong hami dison naeng padenggal gotting huhut paherbang tangan, di las ni roha nami di apasupasu ni Jahowa, dilehon dos ni toha dohot dame na sumurung i, asa baen damang ma jo gondang sombasomba asa husomba hami jo akka situan natorop dohot inanta soripafa lumobi ma amanta Debata, laos padomu tu gondang mumula, ala marmula fo akka nadenggan, mula ni hagabeon dohot hasangapon asa jumpang songon nifok ni situatua : Eme sitamba tua parlinggomanni siborok, amanta Debata do silehon horas ma hita diparorot

  35. Amang panggoal pargocci, parindahan nasuksuk, parlompan natabo, nialap manogot tinaruhon botari , jongjong nuaeng hami dison naeng padenggal gotting huhut paherbang tangan, di las ni roha nami di pasupasu ni Jahowa, dilehon dos ni toha dohot dame na sumurung i, asa baen damang ma jo gondang sombasomba asa husomba hami akka situan natorop dohot inanta soripafa lumobi ma amanta Debata, laos padomu tu gondang mulamula, ala marmula do akka nadenggan, mula ni hagabeon mula ni hamoraon dohot hasangapon asa
    jumpang songon nifok ni situatua : Eme sitamba tua ma parlinggoman ni siborok, amanta Debata do silehon tua horas hita antong diparorot , laos on ma hata sian hami , asa tangan do antong botohon, ujung na ma jarijari, asa manortor hami dison baen damang ma gondang mulamula padomu tu sombasomba,, nion ma pangaringkaranna.

  36. Mauliate Amang..Sai dipasusu Tuhanta ma hamu. Moga literatur Batak makin banyak yang bisa di download. Mudah2an kami bisa juga mendownload yang lain seperti Paradaton dan Dalihan Natolu. Itu kekayaan Budaya Batak yang tidak ada duanya. Horas.

  37. mauliate ma lae, aka ide na briliant i asa sude akka generasi naposo mulai memperhatikan betapa indahnya adat batak itu, agar naposo mulai ada rasa untuk menegetahui dan mempelajari atau niatt,,,mauliate lae sukses selalu.(.Rianto Panjaitan – Bekasi )

  38. ai boti di hamu Raja Nami,,dang binoto atik Pasupasu naro tu au on,,gok Umpasa asli nahubahen sandiri,,jala molo dibegei halak mansai uli inna ditangihon,,boha do carana asa boi diboto luhut hita sude bangso batak i,,mauilate jala horas

    • Tips Asa malo maruppama Batak
      1. Bereng hamu songondia partording ni ulaon i/marpanukkun
      2. Pasomal hamu mar hata batak tu akka dongan batak dohot makkatahon tu bahasa batak manang aha dibereng hamu
      3. Porsea ma tu diri sandiri
      4. Patording hamu parhuddul muna.
      5. Lapati hamu hata naro.
      6. Unang ambisi alai ikkon anggab hamu sude akka naloloan paimahon hata sian hamu.
      7. Unang patimbo diri…
      8. uang lupa mandok mauliate tu opputta sijolo2 tubu.

  39. ah tahe,tabonai poang molo niboto marupasa ate.alai tung songoni pe tulang,nangpe holan namajaha tabo do tong,heheheh,horas tulang semoga tulang sehat 2 dan makin banyak tau upasa asa boi i tiru hami.

  40. mantap lae…horas

  41. dida do hamu tinggal lae

    • di Manado Lae..

  42. mauliate ma di amang sirait, naung mambaen akka umpassa on… horas

  43. Koreksi: untuk istilah”Tintin Marngkup”.Seharusnya “Titi Marangkup”? Filosofinya: Posisi Tulang ni Pangoli dohot Simatuana saling menopang, seperti 2(dua) Titian/Jembatan kecil penyeberangan terbuat dari bambu di bonapasogit yang membuat orang penyeberang tidak gamang. Alani ima asa adong hata i” bolo hamu ampara sidoli dijolo, hami ma di Pudi, bolo hami di jolo hamuma di pudi” Mauliate Amang.

  44. Mauliate ma lae, mansai porlu do imformasi sisongonon unag apala maliluhu iba di paradatonta i, semoga makin sukses lae

  45. Mauliate Godang Ma I Tulang,anggiat Ma Gajjang Umurni Tulang,
    Asa Tamba Museng Akka Kreasi Ni Tulang.
    Ale Mlo Boi Lang, Baen Tulang Jo Umpasa Manggombal Anak Boru.Dang Adong Hepeng Apala Sian Kata2.
    He He He

    I Like Orang Batak.

    GEROBAK PASIR

  46. I am curious to find out what blog system you happen to be working
    with? I’m having some minor security issues with my latest site and I’d
    like to find something more risk-free. Do you have any suggestions?

  47. Mauliate ma tutu dihamu, ala dilehon hamu roha dohot pikkiran muna manuratton angka umpasa terkait tu haringkotanna alai sipata hurang niantusan suku kata sian umpasa i boha molo adong suku kata naso umum be sekalian dibahen lapatanna contoh “Balintang ma pagabe tumundalhon sitodoan” aha ma hira-hira artini “Balintang” Mauliate atas tanggapannya Horas….horas….horas

  48. mauliate ma tu tulang dison nungga dibahen kamu hata nauli nadenggan asa boi diingot sude halak kita manjaha uppasa on.. sahali nai maauliate godang sai tuhanta ma namambalos sude nadenggan on tu hamu..

  49. mantap amang boru,,,,,
    terusss berkaryaaa…

    mauliate parjolo.

  50. Horas!!! Au Maryana boru Situmeang.
    Mauliate jumolo di katua i, blog ini sangat bermanfaat sekali. Sai unang ma pudar adat dohot budaya ni batak i sian hita generasi ni batak jaman on ateh.

    Na manukkun majo au tu natorop tarlumobi tu itoan nampuna blog on. Ahado tahe kelengkapanni kalimat on “sai binaen tu halang ulu, sai lao tu………” Mohon bantuannya untuk melengkapi. Alana hurang takkas bea huboto kalimat parpudi nai. Mauliate.

    HORAS HORAS HORAS!!! Tetaplah lestarikan budaya batak dan tetaplah berkarya bangso batak.

  51. umpasa ni na tubu/sorang,molo boi di bahen majolo.mauliate

  52. Horas tano batak mauliate majumolo di hmnaung paraton umpasa adat btk asa unang mago bangso batak i


Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s

Ikuti

Get every new post delivered to your Inbox.

%d bloggers like this: